ရန်ကုန် မေ ၂- ၂၀၁၉
သင်းသဒ္ဒါ
Golden Hour Entertainment ကတော့ ဆရာကြီးမင်းသိင်္ခရေးသားဖန်တီးထားတဲ့ စနေမောင်မောင်ပါဝင်တဲ့ဝတ္ထုများကို မူပိုင်ခွင့်နဲ့ ၀ယ်ယူခဲ့ပါတယ်။
” ဆရာကြီးမင်းသိင်္ခရဲ့ စာပေမူပိုင်ခွင့်ရရှိထားတဲ့ ဆရာကြီး၏ ညီမအရင်း ဒေါ်သန်းနုအောင်ထံကနေ ကိုကောင်းကျော် (Golden Hour Entertainment)ကဝယ်ယူလိုက်တာဖြစ်ပါတယ်။
ဇာတ်ကောင်များကို ရုပ်ရှင်အဖြစ် ရိုက်ကူးဖန်တီးထုတ်လုပ်သွားမှာဖြစ်ပါတယ်။ လက်ရှိမှာ သရုပ်ဆောင်နိုင်းနိုင်း၊ဒေါင်း၊အောင်မြင့်မြတ်တို့ကိုရွေးချယ်ထားပါတယ်။အခြားသရုပ်ဆောင်များကိုလည်း ရွေးချယ်မှာဖြစ်ပြီး ထပ်မံကြေငြာသွားမယ်”လို့ဆိုပါတယ်။
စနေမောင်မောင်ပါဝင်သော ဝတ္ထုဇာတ်လမ်း၊ဇာတ်ကောင်များကို မူပိုင်ခွင့်နဲ့ဝယ်ယူကြောင်း လက်မှတ်ထိုးတဲ့ပွဲကိုတော့ မေလ ၂ရက် ဒီနေ့က ရန်ကုန်မြို့ အလုံမြို့နယ်ရဲ့ Golden Hour Entertainment ရုံးခန်းမှာပြုလုပ်ခဲ့ရာမှာ သရုပ်ဆောင်နိုင်းနိုင်း၊ဒေါင်း၊အောင်မြင့်မြတ်တို့လည်းတက်ရောက်ခဲ့ပါတယ်။
သရုပ်ဆောင်နိုင်းနိုင်းနဲ့ Golden Hourရဲ့ ၆ ကားမြောက်လက်တွဲမယ့်ဇာတ်ကားဖြစ်ပြီး၊ဒေါင်းအနေနဲ့ နှစ်ကားမြောက်၊အောင်မြင့်မြတ်အနေနဲ့ ပထမဆုံးဇာတ်ကားဖြစ်ပါတယ်။ Golden Hourအတွက်’သမုဒယနွယ်’ရုပ်ရှင်ကားကြီးရိုက်ကူးပေးထားတဲ့ ဒါရိုက်တာသီဟစိုးက ‘ဆားပုလင်းနှင်းမောင်နဲ့စနေမောင်မောင်’ဇာတ်ကားကို ရိုက်ကူးပေးမှာဖြစ်ပြီး ဒုတိယမြောက် လက်တွဲတဲ့ဇာတ်ကားလည်းဖြစ်ပါတယ်လို့ သိရပါတယ်။
ဓာတ်ပုံ – သင်းသဒ္ဒါ
#voiceofmyanmar #မင်းသိင်္ခ #Golden Hour Entertainment
